Соңгы звонок бәйрәмебез бик күңелле үтте. Мәктәбебезнең 11 сыйныфны тәмамлый торган 11 укучысын имтиханнарга озаттык. Алар өчен дәресләр тәмам булды. Бәйрәмдә барлык укытучылар, укучылар, әти-әниләр һәм кунаклар катнашты. Моңсу, әмма күңелле бәйрәм булды. Унберенчеләр фотога төштеләр, киләчәккә рухланып, һавага шарлар очырттылар.

   26 май, 2008 ел.

   Авылыбызның 400 еллык тарихын яктырткан “Тирән тамырлы Түнтәрем” китабы басылып чыкты. Китап барлыгы 10 бүлектән тора. А4 форматында 826 битле. “Җиде бабаңны беләсеңме?”, “Бабайлар җирен саклап күпме кан һәм күз яшьләре түктек”, “Тормыш тәрбия һәм белем алудан башлана”, “Авыл тарихы зур. Эзләнүләр дәвам итә”, “Шушма буенда”, “Казаным минем, икенче бишегем”, “авылдашларыбыз иҗаты” һәм башка бүлектәге змалар, архив материаллары, истәлекләр тәкъдим ителә. Китапның төзүче авторы Рәфхәт Зарипов. Китап сатылмый бары тик бүләк ителә. Автор соңгы свонок бәйршәмендә 6 китапбын мәктәпкә, 5 китапны авыл китапханәсенә, берәр китап мәчеткә, күмәк хуҗалык идарәсенә бүләк итте. Китапның 15 ләбе Балтачка, 15 ләбе Казанга китәчәк. Китап туган төбәкне, әби-бабайларыбызның гамәлләрен өйрәнү максатында укучылар, укытучылар, авыл халкы өчен кулланма буларак нәшер ителгән. Китапны типографиядә бастыру өчен район хакмияте башлыгы Марат Зарипов ярдәм иткән.
   26 май, 2008 ел.

   Табигать кочагына чыгып, укучыларыбыз ел саен туризм бәйрәме үткәрә. Элегрәк ул пионер бәйрәме исеме астында үтә иде. Хәзер исә укучылар туризм буенча район слетына хәзерлек үттеләр. Туризм буенча төрле ярышлар оештырылды. Организаторлар Илдар Басыйров, Гөлнара Шәрәфиева, география укытучысы Алмаз Нәбиуллин күптөрле ярышлар оештырдылар. Бәйрәмдә мәктәбебезнең барлык укучылары да, укытучылары да катнашты. Бәйрәм табигать кочагында хәзерләнгән ашлар һәм чәй эчү белән тәмамланды. Бәйрәмнән һәркем канәгатҗ калды.
   22 май, 2008 ел.

   “Абага чәчәге” олимпиадасында катнашучы 5 укучы (Түнтәр, Кенә, Куныр мәктәпләреннән) “Яшь программист” XII республика конкурсының финалына чыктылар. Шуларның өчесе безнең Түнтәр мәктәбеннән: Рамазанова Фирүзә, Фәррахов Илнур, Ибраһимов Фирдүс. Финалда Рамазанова Фирүзә web-cайт номинациясендә “Алтын Умарта”ның оригиналь сайт булганы өчен Мәгариф министрлыгы дипломына лаек булды. Илнур белән Фирдүс “Фантазия илендә” исемле фотомонтажлар коллекциясе белән “Комьютерное искусство” номинациясендә чыгыш ясадылар.
   15 май, 2008 ел.

   Зарипов Р.Ш. мәктәптә “Мәдрәсә музее” эшчәнлеген оештырып, республика конкурсында катнашты һәм Мәгариф министрлыгының “Мәктәп музее” таныклыгы алды. Музей барлыгы 1500 дән артык экспонат бар. Ул Түнтәр мәдрәсәсенең 200 еллык тарихын, мәктәп һәм авыл тарихын яктырта. Анда шактый кадерле һәм уникаль экспонатлар бар. Мәсәлән Ишмөхәммәт хәзрәтнең (Ишми ишан) шәхси китаплары, мәдрәсә дәреслеклекләре, кулъязма Коръән һәм башка экспонатлар бар.
   12 май, 2008 ел.

   12 май көнне Балтачта “Абага чәчәчге” олимпиадасының йомгаклау туры үтте. Анда 18 мәктәптән 44 укучы катнашты. Ярыш физика һәм астрономия, информатика, инженерия номинацияләрендә үткәрелеп, җиңүчеләргә барлыгы 31 диплом һәм призлар бирелде. Баш батыр булып Шеңшеңәр мәктәбеннән Расих Гарифҗанов калды. Иң күп призларга Куныр мәктәбе укучылары (6 диплом) лаек булды. Безнекеләрдән Айнур Ибраһимов, Илһам Шиһапов, Илнур Фәррахов катнашып 5 диплом алып кайттылар. Тулырак мәгълүматларны abaga2008.narod.ru сайтына кереп укый аласыз.
   12 май, 2008 ел.

   Чаллы шәһәрендә “Паруса науки” республика конкурсы үтте. Безнең мәктәптән Айнур Ибраһимов “Физика һәм техник иҗат” номинациясендә “Безнең төбәктә боынгы бабаларыбыз 100 ел элек төзегән су тегермәне схемасы һәм проекты” дигән темага доклад ясады һәм Беренче дәрәҗәдәге Дипломга лаек булды. Җитәкчесе Рәфхәт Зарипов. Айнур шулай ук Кукмарада (“Моё я в большой науке”) региональара фәнни тикшеренү конференциясендә катнашып, “Төгәл фәннәр” номинациясендә Икенче призлы урын алып кайтты.
   3 май, 2008 ел.

   Информатика укытучысы Рәфхәт Зарипов, тормыш иминлеге нигезләре укытучысы Ришат Зәйнетдинов Каәанда «Яңа информацион һәм коммуникацион технологияләрне укыту эшчәнлегендә куллану” буенча VI республика конкурсында катнашып, укучыларга өстәмә белем бирүдә иң яхшы дистанцион укыту әсбабы (укучыларга юлда йөрү кагыйдәләрен һәм гадәттән тыш хәлләр вакытында үз-үзеңне тоту кагыйдәләрен өйрәтү буенча “Көнбагыш” конкурсының Интернеттагы сайты) номинациясендә Мәгариф министрлыгының беренче дәрәҗә дипломына һәм призга лаек булдылар.
   2 май, 2008 ел.