Газыймов Гомәр Хашим улы
технология укытучысы, педстаж 20 ел.
Мин, Газыймов Гомәр Хашим улы, 1962 нче елның 13 нче ноябрендә Балтач районы Түнтәр авылында туганмын. 1970нче елда Түнтәр сигезьеллык мәктәбенә 1 нче сыйныфка укырга кердем. 1978 нче елда сигезенче сыйныфны тәмамладым һәм Казандагы 33 нче һөнәр училищесына укырга кердем. 1981 нче елда училищены тәмамладым. 1981 нче елның октябренда армия сафларына киттем. Армиядә 1983 нче елның ноябренә кадәр Ерак Көнчыгышта Хәрби Һава Көчләрендә хезмәт иттем. 1983 нче елдан 1986 нчы елга кадәр милициядә эшләдем.
1986нчы елдан Түнтәр урта мәктәбендә эшлим. Хәзерге вакытта технология дәресләрен укытам, “Оста куллар” түгәрәге алып барам.
|
